Lektionen zum Österreichisch-Sprachkurs
Inhalt
- Lektion I: Begrüssung und small talk
- Lektion II: Im Biergarten oder diversen Lokalen
- Lektion III: Weg finden
- Lektion IV: Gezanke, Streitereien
- Lektion V: Frauengespräche, Gerüchte etc.
- Lektion VI: Sex
- Lektion VII: Einkaufen
- Lektion VIII: Autofahren
Lektion I: Begrüssung auf ö-isch und small talk
Resi und Seppl treffen sich
R: Servas Seppl.
S: Jo grias di Resi! Wie geht’s da denn?
R: Guat und dir?
S: I kaun mi ned beschwern/ passt scho/ ois in ordnung/ schlecht.
R: Und wos duat si so?
S: Ned z'vü, hob vü zum doa in da oarbeit.
R: Ah du hacklst?!
S: Jo, und wos is mit dir?
R: I hob nix zum doa und mir is fad.
S: Jo gehst du ned furt (fort)?
R: Sicha, oba es bremsen jo imma olle.
S: Geht kana mit saufen?!
R: Scho, oba de gengan imma scho boid ham.
S: Aso, jo i muas weida ... hot mi g'freit ... bis boid amoi.
R: Jo pfirt di, an schen Gruas aundn Hauns (=Hans).
S: Werd i ausrichtn ... seas.
Lektion II: Im Biergarten oder diversen Lokalen
Seppl und Resi sind in ihrem Stammlokal
S: Wos wüst'n dringa?
R: I was ned, wos dringst'n du?
S: Jo a Bier.
R: I glaub, i bestö ma an G'spritztn.
S: Moch des... Entschuldigung!... A Hoibe bitte.
R: ...und an Spritzer weiss bitte.
Kellnerin: Jo, kummt glei.
S: PROST!
R: Du servas, gö!
S: Host du a Tschick fir mi?
R: Jo sicha, do nimm da ane.
S: Daunksche.
R: Bittsche... wieso dringt de Heidi a Seidl???
S: Wos was i, .. ament/vüleicht is ihr schlecht, de woar jo gestan a scho wida hackö dicht.
R: Wer ned?!
S: Neijo, do hob i vorgestan an ärgan Voipracka hamzaht...
Seitenanfang | Vokabeln zu II.
Lektion III: Weg finden
Seppl und Resi auf dem Weg zum Gasthaus
R: Du Söppe (=Seppl/Seppi/Sepp=Josef), wie kumm i denn bei eich zum Wirt?
S: Oiso, wennst bei da Kirchn bist, gehst amoi d'Strossn obi bis zur Kreizung, daun links den klan Berg
auffi, bis zu dem Stopschüdl, daun gehst über d'Strossn umme und zehn Meta weida is s’Wirtshaus auf da linkn Seitn! Siachst eh glei, weil do is a Gostgortn davor.
R: Eijo und wie kumm i dort eini?
S: Is eh ned schwa zum finden, is eh aug'schriem.
R: Wirst scho hi findn, sunst frog i hoit nu amoi wen.
S: Moch des! Gemma schnö auf a Seidl?
R: Guade Idee, i hob eh Zeit bis um Viere.
S: Passt. Foahr ma mi'm Auto - kumm!
R: Jojo, woat, i muas nu gach wen auruafn.
S: Okä, oba dua weida!
R: Jo, host an Stress?
S: Na, oba i hob an Duascht!
R: Bin eh scho fertig - oiso sammas?
S: Jo freile.
Seitenanfang | Vokabeln zu III.
Lektion IV: Gezanke, Streitereien
Seppl und Resi gegen Karl
R: Mah, schau da den amoi au!
S: Wos issn mit erm?
R: I was ned.
S: Hee, gib da amoi de Mattn!!!!
R: Ge leck, bist du deppat?! I hau mi o, des derf jo ned woahr sei!
Karl (sprich: Koarl): Grias eich, gibt's wos oda wieso schauts ihr mi so deppat au?
S: Wos renndn dir fir a Füm?
K: Des frog i eich.
R: Host a problem?
K: Na wieso?
R: Jo daun vaziag di, wir woin ned mit dia re'n.
K: Bist deppat? Hob i dia irgendwos dau?
S: Naaaaaa!
K: Na daun passts eh. Pfirt eich.
R: Jo servas.
S: Wos hodn der jetzt g'hobt?
R: Wos was i, ma wuascht, so laung a ned wida zruckkummt.
S: Jo, ge dring ma amoi.
R: Guade Idee - PROST!
S: PROST!
Seitenanfang | Vokabeln zu IV.
Lektion V: Frauengespräche, Liebesgeflüster, Gerüchte, etc.
Resi sind und Grete tratschen
R: Servas Greti, wie geht's da?
G: Jo servas, grias di! Guat und dia?!
R: Jo eh a! maaah, wast scho des Neicheste?
G: Na, wosn?
R: D’Christl hot wos mi'm Hons g'hobt!
G: Wooooooos? Echt waun, wo?
R: Jo neilich (neile) am Wochnend haums g'schichtlt.
G: Na echt?! Ge oida! Wodn?
R: Auf dem Zötfestl! I hob's jo g'seng!
G: Wia issn des gaunga?
R: Jo sie woar scho voi fett und hotn aubrodn und er hot si a voi zuwi g'haut.
G: Na oarg. Jo und wos woar?
R: Jo eh nix Grebas, glaub i. San eh beide hamg'foahrn.
G: Jo haha, des daugt ma scho wida, de passatn eh zaum, beide gleich g'stört!
R: Jo find i a, oba da Hans steht si's jo eigentlich auf d’Maria.
G: Aso? Des was i jo nu goar ned!!
R: Geeeee, des is jo eh scho voi de oide g’schicht.
G: Und wieso sogt mia des kana?
R: Muast eh ned ois wissen - Scherz! Und wos rennt bei dia so?
G: Jo ge bin widamoi voi eig'foahrn!
R: Wieso?
G: Jo der depate Habara hot a Freindin, de is voi de Tussn!
R: Ah vagiss'n! Kennst den Johann, der is fesch und ausserdem voi liab!
G: Stehst a weng auf den?
R: Neijo, liab is a scho,.... schau ma moi.
G: Jo, o'woartn und Bier dringa ;)
Lektion VI: Sex
Resi und Johann daheim...
R: Kumm aufs Bett her.
J: Freile. Soi i di ausziagn?
R: Jo allane moch i's ned!
J: Bleder BH! De Trimma gengan nia auf.
R: Ge, geh wegga. Du kaunst des ned. - So mocht ma des.
J: Supa.
R: Host wenigstens de Blausügin/Kondome mitgnumma?
J: Uups!
R: Uups? I gib da glei a uups. - I glaub, des wird hait nix mehr.
...
Seitenanfang | Vokabeln zu VI.
Lektion VII: Einkaufen
Teil A: Resi und Grete wollen einkaufen gehen
G: He, gemma einkaufn?
R: Jo guade Idee, i brauch eh a neichs G'waund und Schuach wü i ma a kaufn!
G: I brauch a neiche Untawäsch, meine Untahosn und Untaleibal san scho so hi! Foahr ma ind' PLUSCITY?
R: Jo.
Im G'schäft...
R: Grüss Gott!
Verkäuferin: Grüss Gott, kaun i ihna (erna) höf'n?
G + R: Na danke, wir schaun nur.
V: Jo gerne.
G: Na i was ned, de haum nix G'scheids, des is ois voi schiach und de Leibal und de Reck san voi de Fetzn und teia is a, gemma zum H&M (Schleichwerbung). Wos wüst'n du überhaupt fia Schuach?
R: I was a ned, i schau amoi, oba a Sonnenbrün und an Huat und so Zeig brauch i eha.
G: Mah i brauch an Bankomat, i hob jo goar ka Göd mid!
R: Do drüm is eh ana.
G: Wüvü soi i o'hem?
R: An Tausnda brauchst scho! I hob netta fünfhundat mid! I hob a ka Kohle mehr.
Teil B: Einkaufen im Lebensmittelgeschäft (Dialog ist in sehr ländlichem Ton gehalten)
Tante Mizi: Grias God!
Verkäuferin: Jo grias erna God! Wos derfs denn sei?
TM: Zehn Decka von dera Wuascht do hintn im Eck!
V: Jo gern. Derfs a weng mehr sei? I hätt grod öf Decka aufg'schniedn.
TM: Jo und dans ma nu a Eckal von dem Kas dazua, der mid da göbn Rindn!
V: An frischn Topfnkas häd ma a, gaunz friisch.
TM: Pockn's ma's in an gloan Döge ei. Herns, wo find i den bei erna de Müch?
V: Gengans do fire!
TM: Wo nu amoi? I saig's ned!!
V: Hinta de Sömmen!
TM: Ah do!!!! Brauch eha glei zwoa und a Soizstangal. Gibt’s an frischn Strizl/Strizn a?
V: Haum ma grod friisch bocha in da Fruah!
TM: Na wissns, i mechat jo heid frische Eiaschwammal mochn und an Zwetschknresta, de Zwetschkn foin jo scho olle oba bei uns bei de Baam.
V: Brauchn's a poar frische Marün, haum ma frisch vom Bauan!
TM: Na daunksche, do hob i söbn gnua! Oba fir'n Sunda/Suntog brauchat i a wenig an Karfioi.
V: Mah, des duat ma lad, der is scho goar!
TM: Jo wos moch i denn do hiazat/ietst?
V: Schauns zum Grauma d’Stroß owe (obi/obe).
TM: Daunksche. Des wa' daun eh ois. Wüvü griang's denn do jetzt?
V: Hundatfuchtzg neinzg!
Seitenanfang | Vokabeln zu VII.
Lektion VIII: Autofahrn
Seppl und Resi im Auto
S: Jo bist fertig? Foahr ma daun amoi? I hobs a weng drawig!
R: Joooooo bins jo eh scho. Wer foahrt?
S: Na i! Mit deina Kistn kumma ma jo ned weida!
R: Heee, netta wei du mehr PS host - dei scheiss Prolokarre!
S: Red kan Schas, steig ei! Ausadem hobi neiche
Boxn eibaut und an Sabwuva.
R: Schee fir di, foahr liaba - maah bitte brems ned so gach, sunst pick ma glei wem o'm.
S: Hear auf zum sudan.......... Jo wos foahrtn der do vorn ned weida - elendiga Sonntogsfoahra - und natürlich mit Huat... *grrrmpf*
R: Soi si schleichn... und de scheiss Mopedautos g'hearn sowieso vabotn, hoitn netta ois auf!
S: Wos wü jetzt der Prolet do hinta uns? Soi a übahoin wenn a mant...
R: Heeee pass auf, do stengan d’Kibara!
Die werte Gendamarie hält Resi und Seppl in der "Siebzga"-Zone auf
Gendarme: Grüss Gott! Führaschein und Papiere bitte!
S: Bitte sehr.
G: Wissn's eh, warum ma si aufhoidn?
S: Ähhh ... na??!
G: De 70er-Beschränkung haums oba scho gsehn, oda?
S: Ööhm ... na de dürft i übasehn haum (=hobn).
G: Aha auf jedn foi woarns mit 90km/h untawegs... Des kost ihna jetzt fünfhundat Schilling, jo?!
S: Haum's wos drunga?
S: Na, bin jo grod Daham weggfoahrn.
G: Jo des schliast des aundare ned aus.
S: Na hob i nedn
G: Guat...
S: Na soiche Deppn!
R: Trottln! Soin liaba de gaunzn Kräula amoi von da Stroßn schoffn!
S: Hach gott, jo! Ge foahr zuwe, du Baua! Kräut do wida mit an Ochtzga auf da Freilaundstroßn...
R: Heit san lauta Wahnsinnige auf da Stroßn! Am meistn reng mi jo so Fraun auf, de netta zum Eikaufn ins Auto steing, den gresstn Schas zaumfoahrn und si eh ned faohrn draun *aufreg*
S: Jo wem sogst des!!!!! Mah gestan hob i a Reh dawischt .... rennt einfoch aussa des blede Viech ... G'hern eh olle daschossn!
R: Jo i hob neilich a an Hosn übafoahrn... Scheiss Wüd.
S: Haaa, jetzt is do wida rot bei der scheiss Aumpö.
R: GE FOAHR DRÜBA DES GEHT SI NU HUNDAT MOI AUS!!!!
S: *press* Na Gottseidaunk samma do - und wiaso muas der Trottl do üba zwa Parkplätz steh? Wiiiiichtig!
R: Joooo.
S: Na wurscht, Hauptsoch do samma - gemma.